A ME ANEMA
A ME ANEMA
di Manrico Cesaro
A me anema remenga ormai
a se ricorda de ti ancora
dei rii e dei canai
tra el caigo d'inverno e dea bora da levante
quea che suga e rive e bricole
e del sirocco che porta el mar in casa
co a marea de mezo dì
e ti che te voevi parlar come de mi e mi come de ti
de note fonda me indormensavo
e me parea de perdime tra i canai contento
e respiravo el profumo
e me perdevo invense tra i to mori cavei
mi me ricordo sì
de ti fantuina
e me svejiavo contento
e me son catào adeso che te penso
col cuor che si inverigola ancora
come el pesse in fraimma su na sorbera
e son qua che ormai speto che vegna sera
par indormensarme ancora come su i to cavei
contento de averte amà
anca sol par un momento
cò un misiot de diaeti e sentimento.