LA VIGNA

Vien avanti
el fredo
l'inverno no'l domanda permesso
coi so guanti
e le barete de lana
le sere longhe
parchè a le sinque
l'è za note
e ti vigna
che fin al l'altro dì
te eri tuta piena de rami e foie verdi
te cambie tuti i colori
te perde tute le to foie
e te me pari morta.

Ma par fortuna
te fè solo finta
e come nà braza cuerta
soto bate un cor.

Te te cuerze de bruma
de giasso e de neve
e nessuni te guarda
i te lassa sponsar.

Finchè fra un pochi de mesi
quando l'aria la se scalda
un pochetin
e el sol el fa un gireto
pian pianin
ti te rinasse
a darghe sodisfassion
a ci te trata
con amor.

[Daniela Benedetti]

[04.02.2015] Daniela Benedetti è nata a San Pietro in Cariano 52 anni fa, vive a Castelnuovo del Garda e coltiva da sempre la passione per la poesia, anche se per molto tempo è stata lasciata da parte... «finchè ha vinto lei, e questo dono l'ho assecondato», rivela Daniela. La poesia «La vigna» si è aggiudicata qualche giorno fa un premio al Concorso nazionale di poesia «Luciano Nicolis 2015».