VILLAFRANCA LA SA INPISÁ
VILLAFRANCA LA SA INPISÁ
di Luigi Cattelani
Vilafranca la sa inpissà, la par na fola tanto le bela
par i oci un gran bel vedar, par el cor un lume de speranza.
La se gòngola, la se stima, lè sgònfa de boresso
la se gode farse bela, par mostrarse a la so gente.
Par darse più importansa la colorìo el castel de rosso
imbeletandolo de slusini, par no farlo restar a l'orba,
che se te ghe i senoci boni, e le menaure no le te scrisola
tel pol rampegarte insima, fin a caval dei merli,
e stando tacà-ia par aria, te vedi Vilafranca intiera,
e un magon te struca, da farte lagremar i oci.
E par impenir la festa, la ga fato spuntar el giasso
che far sbrisciar la gente, fin che no i strabuca in-tera.
Vilafranca la sa inpissà, la par na fola tanto le bela
par i oci un gran bel vedar, par el cor un lume de speranza.
Luigi Cattelani
Fondazione CIS - Cultura Informazione Solidarietà ETS